حقائق و أسرار جوجل أدسنس

حقائق جوجل أدسنس

قبل متعمل اى حاجة لازم تخلى بالك من الكلام اللى هقوله كويس جدا والكلام ده لازم تحطه حلقة فى ودانك ومتشلهوش منها ابدا ابدا ابدا.........

الحقيقة الاولى:

-اول حاجة لازم تعرف إن العرب هم أقل الناس الذين يجنون أرباح من جوجل أدسنس بينما غيرهم يجنون الآلاف شهرياً!
طيب دلوقتى زمانك بتقول وانا هوجع دماغى ليه بقى خلاص مش مهم الموضوع ده خالص
هقولك طول بالك بس

الحقيقة الثانية:

جوجل أدسنس تدعم معظم لغات العالم بينما لا تدعم اللغة العربية!

طبعا دلوقتى زمانك كرهتنى وبتقول فى نفسك الواد ده بيجيب لنا احباط
هقولك ياعم بس اصبر

الحقيقة الثالثة:

شركة جوجل قامت بطرد العديد من العرب من خدمة جوجل أدسنس ومنعتهم من استخدام هذه الخدمة نهائياً!
طبعا دلوقتى مش هتقرالى مواضيع تانى خالص
هقولك استنى شوية

الحقيقة الرابعة:

بلغت الأموال المتداولة عن طريق الانترنت في عام 2004 حوالي 6.8 تريليون دولار، ولك أن تتخيل كيف تضاعفت بعد هذه السنوات!!



شوفت بقى
هتقولى طيب انت كده جبت لى احباط وترجع تانى تقولى الرقم ده
بص بقى هقولك حاجة مهمة

انت:هتقول ايه يعنى؟
انا : هقولك طبعا كمل قراية الموضوع

طبعا السؤال ده ممكن يكون جه على بالك

السؤال: أين نحن من جوجل اد سنس؟

هل العيب فينا أم في جوجل أدسنس؟

هقولك ببساطة جدا

جوجل أدسنس هي أفضل وأسهل الطرق لجني الأموال عن طريق الانترنت وهي خاصة بأصحاب المواقع.

طيب وليه العرب بقى مش بيكسبوا زى الاجانب؟

اكيد فى حاجة غلط ،اكيد فى عيب،بس العيب ده فى مين

العيب ليس في جوجل.. العيب فيا وفيك!!

كتب كتير جدا كُتبت عن أسرار ونصائح لجوجل أدسنس لكن من يقرأ! (أمة اقرأ لا تقرأ!!)

ومئات البرامج صُممت لتضاعف أرباحنا مع جوجل أدسنس لكننا نبحث عن المجان! وهذه البرامج غير متوفرة بالمجان!

شوفت بقى

طيب دلوقتى انت ممكن تسألنى سؤال مهم

ليهGoogle Adsense لا تدعم اللغة العربية؟

هقولك بكل بساطة

أيضاً السبب ليس من جوجل بل السبب نحن..
لا يوجد عدد كافي من المُعلنين العرب،
ومتى ما وجد تأكد من أن جوجل أدسنس ستدعم العربية.
وهذا شئ لا خلاف عليه

لكن لماذا تقوم شركة جوجل بطرد بعض المستخدمين العرب؟

سؤال مهم جدا ولازم نعرف اجابتة

أيضاً السبب ليس جوجل بل السبب فيمن يريد أن يربح بطرق غير مشروعة وبكسر القوانين التي فرضتها جوجل! وهذا أساساً يعتبر مال حرام ويستحق الطرد من يفعل ذلك.

عشان كدة يا جماعة لازم نمشى صح من الأول وننفذ التعليمات كلمة كلمة لأ حرف حرف عشان خاطرى
عشان منرجعش نقول ياريت اللى جرى ما كان

وترجعم تقولوا انتم مقلتوش لنا

برجع و بقول تانى

عاوز تكسب هتكسب ان شاء الله

وهتكسب فلوس كتير قوى

بس امشى خطوة خطوة معانا

وهنبدأ مع بعض من الصفر

وصدقنى فى النهاية هتوصل للقمة

وهتدعى لنا وهيبقى عندك رصيد فى البنوك كمان



انا مش بحسدكم بس انا بطمنكوا

وإن شاء الله فى الحلقة الجاية هقولك تعمل اية بالظبط

عشان تكمل مع جوجل اد سنس من غير مايتم طردك؟

ويارب الموضوع يكون عجبكم