نكت جميله

بيقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟
******************************
موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى
***********************************
واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض
**********************************
واحد نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا
******************************
سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت
**********************************
-مرة واحد وقف تاكسي و قاله : ‏فاضي ياسطى ؟؟؟ قاله : ‏ايوه فاضي.. ‏قاله: ‏طيب
تعالى اقعد معايا ع القهوة شوية!!
***********************************
-مره واحد بخيل اوى بعت ابنه يشترى له بعشره صاغ جبنة .. راح الواد ورجع بعد شويه
وقاله بابا البقال بيقولك تعال الحس السكينة
***************************************
مهندس كمبيوتر حلل دمه طلعت فصيلته HP.........
*********************
-اتنين صعيده بيلعبوا شطرنج الملك مات مشلول
***********************
دكتور عيون نازل من العيادة شاف الاشارة حمرا حط لها قطرة
**********************
مره مدير مدرسه عمل فرح وزع علي المعازيم ارقام جلوس
**********************
مرة واحد شاف اخوه التوأم، قال له: انت فين من الصبح يخرب بيت شكلك! أمك حمتني مرتين!!"
********************************
فرخه إتجوزت فيل... جابوا تشيكن فيليه
************************
واحد بلدياتنا بيلعب في أنفه.. فتحهم على بعض!!
***************************
صراصير اتقابلوه في الانعاش واحد بيقول للتاني بيرسول برده قاله لا شبشب
************************************




واحد صعيدى بيقول التانى ضاع منى ارنب اعمل ايه قاله قلد صوت الجزرة

اتنين صعايدة دخلوا كلية الطب واحد طلع محامى والتانى محاسب

صعيدى قال للبياع عندك تليفزيونات ملونة قاله ايوه قاله ادينى واحد ازرق

صعيدى اشترى لابنه اله حاسبة شال منها الصفر عشان ميتصلش دولى

صعيدى اتصل بالمطافى قالهم هو اذا ما كنش فيه حريقة الواحد ميشوفكوش خالص

صعايدة سمعوا ان فيه عاصفة فى الطريق جاية على الصعيد جريوا غيروا اليافطة وكتبوا المنوفية ترحب بكم

صعيدى اشترى بى ام دبليو نزل بيها مصر تاه فتح الراديو لقى المذيع بقول هنا لندن قالبيخرب بيت السرعة

صعيدى حب يروح الصحرا قالولو تاخد ضربة شمس قال معايا عصايتى لوضربتنى حضربها

صعيدى ركلب القطر فتح الشباك اللى جنبه قاله انا بردان من الشباك المفتوح قاله وانا صميدة من الصعيد

واحد صعيدى بيلعب بقنبلة التانى قاله تنفجر ولا حاجة قاله متخافش معايا غيرها

صعيدى شاف ميت جنيه جديدة لنج مرمية على الارض اتلفت حواليه وخدها وحط بدالها ميت جنيه قديمة

صعيدى قاعد على القهوة يتفرج على الماتش القهوجى سال اللى جنبه قهوتك سكرها ايه قال وسط قاله وانت الصعيدى قاله دفاع

صعيدى ودانه الانين محروقة صاحبه قاله من ايه قاله واحد اتصل وانا بكوى اتلخبطت وحطيت المكوة على ودنى قاله والتانية قاله ما انا بدلتها لما ودنى وجعتنى

صعيدى بيقول بنته حيجيلك اخ صغير بعد شهرين بس وحياتى متقولى لامك عشان تبقى مفاجاة

صعيدى زار الصين قالولو عندنا بتولد طفل كل نص دقيقة قالهم ادى التقدم عندنا فى مصر لازم نستنى تسع شهور

واحد صعيدى اخوه بيشتغل فى شركة اجنبية قاله عندنا خبير اجنبى بيقبض عشرين الف دولار فى الشهر قاله ان شاء الله اذاكر ليل ونهار واتعين خبير اجنبى فى شركتكم
=======================

تخاااااااريف

واحد بيسأل خطيبته : حد قبلى لمسك ؟ سكتت
قالها : زعلتى
قالتله : لا بأعدهم



التلميذ : بحبك يا أبله و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد




مرة حمار بيقول لخطبتة احنا هنتجوز امتى يا حمارة قلتلة لما تحسن الفاظك شوية يا حيوان

مره واحد بارد قوى ركب اتوبيس شاف بنت حلوه قعده بصلها بصتله غمزلها غمزتله راح مقرب منها و قال ننزل المحطه الجايه هى نزلت و هو اعد على الكرسى

واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس.. فقاللها ايه ده؟؟ قالت له استر عليا ده انا ديييييييييييك


واحد أحول راح يجيب أبوه من المطار ساب الشنطة وشال أبوه


إثنين ساكنين في خيمة ونايمين على ظهورهم بالليل شاف الأول السما وقال للثاني : شايف إية؟
قال: شايف النجوم.
قال الأول :وده معناه ايه ؟
قال: إن في مجرات وكواكب غيرنا في الكون
قال الأول : دة معناه ان الخيمة اتسرقت يا حيوان .




الأستاذ : ما معنى كلمة ( سبيل ) ؟
الطالب : طريق .
الاستاذ : ممتاز – والآن ما معنى كلمة ( سلسبيل ) ؟
الطالب : طر طريق

سأل أستاذ تلميذه: ما اسم الحيوان الذي تصحو على صوته كل صباح؟
أجاب: بابا .

واحد من الجماعة المهمين سأل الاخ بوش في الخباثه : إنت ليه متأكد إن في نووي في العراق؟
!!! بوش : لأن معايا الوصل اللي أبويا باعهلهم بيه

===========================
زواجات مصرية

مرة واحد ماشى مع خطيبته وآخر انسجام فقالها "عارفة ايه هو الحب وايه الجواز؟" قالته "لا"

قالها: "الحب زى النجوم الجميلة اللى فى السماء .

قالتله"طب والجواز؟"

قالها:"دى البلاعة اللى واحنا بنبص على النجوم بنقع فيها.."

***

واحد متجوز وقاعد في البيت وبيبص كتير في عقد الزواج،

مراته قالت له: "بتبص في عقد الزواج ليه يا حبيبي؟"

قالها: "بأبحث عن تاريخ إنتهاء العقد.

***

واحد نشر في إعلانات مبوبة :مطلوب زوجة!!!

تاني يوم جاله 100 جواب فيهم نفس الرد : تاخد بتاعتي؟؟

***

مرة واحدة قالت لجوزها "إهدى يا حبيبى كده وارجع زى زمان"، الراجل طلقها و رجع لأيام العزوبية

***

مدرس رياضيات اتجوز مدرسة رياضيات خلفوا ولد شبه منحرف وبنت دايره على حل شعرها

***

واحد بيقول لمراته ... أنا النهاردة عايز رومانسية فى البيت ... راحت الزوجة سألت أمها : يعنى إيه رومانسية ؟؟

الأم : مش عارفة بس احتياطى إنقعى الرز

***

واحده وحشة بتقول لجوزها بكره عيد ميلادى . قالها: وماله ؟ نقف دقيقتين حداد

***

مرة دكتور دخل عنبر فى سراية المجانين لقى واحد بيخبط دماغة فى الحيطة سأل الممرضة ماله ده ؟

قالت أصله كان بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب

قالها وده ماله قالتله أصل ده اللي اتجوزها ..

=====================
======================
=============
========
==
مدمن كمبيوتر اتجوز ، صور مراته صورة هاى ريزوليوشن

قدم لها الشبكة على أيكونه

اشترى شقة 3 بارتشن بمنافعهم كتب عليها
Home Page


خلف ولد طلع كوبى منه

مراته أكتشفت ، أنه بيعمل هاكينيج على مرات جارهم سدت عليه الطريق بـ
Fire wall

حاول "يسستمها" على مزاجه ، "هنجت" منه

اتخانق معاها ، راح مفرمتها

ضربته ، عملت له باد سيكتور

ذهق من الخناق ، عمل نفسه هيدين

زعلت ، راحت قعدت عند الماذر بورد

بعت لها ورقة طلاقها على الايميل

حب يرجعلها تانى عملها رى إنيستول

تاهت منه ، بحث عنها فى
google

فوجىء أن سيرتهم بقت على كل شات

طلب منها يستبوا حياتهم من جديد